FIESTRAS AO MUNDO

Aínda que agora podemos saír un cachiño cada día, seguimos a ver o mundo desde as nosas fiestras. 

É sempre igual o que vemos? 

O podemos enxergar cada día cousas distintas? 

O que vemos depende só da paisaxe? 

Sabedes que hai fiestras que nos ofrecen cada día unha nova paisaxe? 

Non? 

Pois ollade este vídeo...

MES DO LIBRO: RECOMENDACIÓNS

Desta volta, vannos recomendar o seu  libro dúas profes...

A profe Ana, de PT:

E a profe Isaura, de 1ºA:

MES DO LIBRO: RECOMENDACIÓNS

Hoxe recoméndannos boas lecturas Joel e Xurxo. Son libros moi interesantes, mirade, mirade!!!

MES DO LIBRO: RECOMÉNDANOS UN LIBRO

Xa que este mes vai de libros, que mellor que aproveitar para intercambiar entre todos nós algún libro que xa limos ou que estamos a ler...

Pois imos entón, propoñémosvos...

...que enviedes unha foto ou vídeo onde presentedes o voso libro e expliquedes por que vos gusta, ou gustou, que sentimentos ou emocións che espertou e por que o recomendas.

Para facernos chegar a túa aportación envía a foto ou vídeo ao seguinte enderezo electrónico:

biblioteca.ceipxesusgolmar@gmail.com

Iremos colgando nelas ao longo deste mes de Abril e así poderemos coñecer os vosos libros favoritos e aproveitar para ler algún deles.

Veña, ánimo...empezamos!!!

Estas son as da profe Belén, claro!!, como ela está na Biblio...

E estes libros son da profe Cris (4ºA), do profe Xosé (3ºA), de Mariña e Sabela:

PROPOSTAS DE LECTURA

Baía Edicións sabe que todas e todos temos moito que ler ou reler na casa, pero co beneplácito das autoras e autores deixan unha listaxe de títulos a escoller que vos poden axudar a superar o confinamento.
Só piden, e pedimos que lembredes a súa empatía e fagades un uso responsable destes textos respectando a súa obra, que tan xenerosamente prestaron para a súa campaña #euquedolendo #baíaconnósnacasa

Para 4-6 anos:

• Nube branca quere ser astronauta, de Pablo Nogueira e Manuel Uhía(ilustracións).
  Disfrázate, sopra, canta e salta con esta sinxela historia de superación, solidariedade e empatía, que che axudará a mellorar a pronunciación.DESCARGA.
• Un día de treboada, de María de Mata e Mariana Riestra (ilustracións).DESCARGA.
  Por que non pode unha muller ser tractorista? Falamos de igualdade, sempre a ter en conta.
• O dragón comemedo, RuAn (texto e ilustracións). DESCARGA.
  Este conto pode axudar a superar os medos a pequenas e pequenos, nun momento en que senten que algo estraño está a pasar, sen poder saír da casa.

Para 7-8 anos:

• A casa máis animada do mundo, de Cristina Sáez Cazallas e Almudena Aparicio (ilustracións). DESCARGA.
  Esta é a historia dunha casa encantada habitada por seres especiais que nos regalan un conto para cada día do mes.
• O tempo do revés, María Solar, Arturo Iglesias e Xosé Tomás (ilustracións).DESCARGA.
  Serán Ana e Aldara capaces de falarse se non teñen en conta que a Terra é redonda? Vaia lea! Un enredo divertido coa física da Terra como fondo.

Para 9-10 anos:

• Boa sorte, de María Solar, Arturo Iglesias e Xosé Tomás (ilustracións).DESCARGA.
  Boa sorte tiña moi mala sorte. O primeiro que fixo foi nacer e xa non lle saíu ben, pois naceu de cu. Ciencia e aventura nunha única obra con divertidos experimentos.
• Moko, Cristina Sáez Cazallas e Fernando Juárez (ilustracións). DESCARGA.
  Moko chegou ao noso planeta en 1998 para alertar os habitantes da Terra dos perigos da destrución da capa de ozono e vivir unha aventura inesquecible.

Para maiores de 12 anos:

• A herdanza do marqués, de Conchi Regueiro e Noemí López Vázquez(ilustracións). DESCARGA.
  Zoila nin imaxinaba que un sitio como Vilacardoso podía encerrar tantos segredos escuros. Bastante fora con deixar a cidade, as vellas amizades e, sobre todo, a Jonathan.
• Diario dunha noiteboa, de Jacobo González Outes. DESCARGA.
  Novela negra ambientada en Compostela e no segredo dun grupo de estudantes de universidade que vai ser desvelado no diario do principal acusado da morte dunha moza.
• Liliput, de Manuel Lugrís Rodríguez. DESCARGA.
  A Coruña como pano de fondo nunha investigación xornalística na que se nos presenta unha época na que todo se desenvolve como un espectáculo de monicreques e onde ninguén pode escapar ao seu destino.