CAIXA DE LECTURA: A BOTELLA DE LENTELLAS

 Unha caixa de lectura consiste en aportar obxectos (feitos a man, reutilizados, debuxos, etc.) que intenatan aportar ideas sobre ol ibro lido.

Neste caso foi con "A botella de lentellas". Despois de lectura dialóxica, cada alumno aportou a súa caixa.

Cada unha, máis orixinal.

ALUMNADO VOLUNTARIO

 Como disfrutan os quechos cando os máis maiores lles van contar un contiño!!

Estas contadas nas aulas son sempre unha aventura e un momento moi esperado. alumnado de sexto deprimaria prepara historias e acompáñanas de actividades e pequenos agasalliños para o alumnado de infantil ou primeiro ciclo de primaria.

VISITA SORPRENDENTE: XOSÉ LUNA

 Como desfrutamos coa visita do mestre e compañeiro Xosé Luna. Sempre agarimoso e con moita troula para compartir cos rapaces e rapazas.

E en agradecemento aos seus libros, ás súas verbas sempre dinmámicas e cariñosas, prantou un limoeiro, agasallo do colexio, para telo sempre pretiño de nós.

           

    

       

Agasallounos con palabras saídas do corazón....

CONTOS XOGADOS, CONTOS CONTADOS

 Este curso puxemos en marcha esta sección na que a encargada da BE vai polas aulas como contacontos e propón, durante a lectura do conto, xogos, actividades finais, para que a rapazada se sinta dentro e partícipe do conto.

Algúns deles...

Libros lidos: "A estraña sorpresa", "A mar, amar", "A vaca que subiu a unha árbore", "A nota", "El ladrón de palabras". Libros variados sobre diversidade sexual.

RECOMENDACIÓN LECTORA "YO VOY CONMIGO"

Rozalén ponlle voz e corazón ao conto "Yo voy conmigo" de Raquel Diaz Reguera, publicado por Thule, para poñerse nos zapatos dunha nena especial, con ás e moitos paxaros na cabeza que nos fará reflexionar sobre o concepto de aceptarse e quererse a un mesmo a pesar da mirada dos demais.

Un conto precioso e necesario, que reflexiona sobre a importancia de ser un mesmo, sen deixar que o entorno nos faga diferentes e sobre a importancia de dar valor ás nosas características ... a eses paxaros na cabeza que todos temos, aínda que ás veces os deixemoss enxaulados.

CONTACONTOS CON...

...a profe Ada, de 1ºC, que vai ler o "Conto das parracas e as patacas".

QUERES XOGAR COMIGO? LSE

Este curso, un grupo de mestras, que forman parte do grupo de traballo de LSE (linguaxe de signos), elaboraron un conto con símbolos para alumnado con deficiencia auditiva: "Queres xogar comigo?" de Kalandraka.

Ademais, nalgún grupo-clase tamén se ensinan algún signos para facilitar o achegamento a esta lingua xestual.

Conto Queres Xogar Conmigo

Publish at Calameo

CONTANDO, CONTANDO

Menos mal que sempre temos contacontos no cole.

Os máis maiores, de 5º e 6º, prepararon e contáronlle aos nenos e nenas de infantil unhas cantas historias. Por suposto, o público, coma sempre, foi do mellorciño.

 

 

XOGAMOS CO CULLARAPO CROQUE?

PAULA CARBALLEIRA

A vindeira semana, teremos o pracer de recibir a visita de Paula Carballeira, narradora de contos, actriz, escritora...ela preséntase do seguinte xeito:

Un sete de setembro chorei por primeira vez. Estaba nacendo. Ata os 17 anos vivín en Maniños, no Concello de Fene, descubrindo e explorando unha certa inclinación a fabular outros mundos, preferentemente na literatura e no teatro. Despois marchei a Santiago de Compostela, onde eu tiña pouco que chorar porque o ceo botaba bágoas a máis non poder. Alí seguín escribindo e disfrazándome en peles de personaxes que me ofrecían outras vidas, outras palabras. Ata hoxe. Pertenzo á compañía de teatro Berrobambán, vou contando contos polo mundo, e nunca mellor dito, pois grazas á antiga arte de contar historias teño participado en festivais de narración oral nacionais e internacionais, e levo publicado uns cantos libros. Tendo en conta que xa plantei algunha que outra árbore, fáltame ter un fillo. Mentres, seguirei viaxando.

Ten escrito moitas obras: de poesía, de teatro, contos, etc., sempre coa intención de facer pensar, de provocar un sorriso, de conseguir ledicia.
Querédela ver contanto un conto.....
Pois preséntovos a PAULA CARBALLEIRA:

Algúns dos seus libros atoparédelos na biblioteca: "O principio", "Un porco e unha vaca xa fan un zoolóxico", "Correo urxente", "Boas noites", etc.

Pero...seguimos a mostrar a súa destreza...desta vez cun vídeo dun conto escrito por ela..."PACO"

E tamén dous dos seus libros...para ler e desfrutar: "Smara" e "O principio"

LEMOS POESÍA, FACEMOS POESÍA

Que semana tan fermosa, deixándose levar polas palabras quedas,
                                                                                  palabras feitas,
                                                                                  palabras belas...
Temos expostos varios libros de poesía na entrada da Biblioteca, pero Bolboreta non quere que vos despistedes e invítavos a ver,
                                            ler e
                                                   facer poesía: